Aragonès, defensa els teus drets: PROU D'AGRESSIONS!

Nova campanya

Los companys de Nogará tenen les idees clares i han enviat avui lo següent comunicat:

L’Asoziazión Cultural Nogará de Zaragoza, una d’as dos más importans d’a ziudat, integrán de Chuntos por l’Aragonés, plataforma que nos portó ta o II Congreso por l’Aragonés d’an que ba salir l’Academia de l’Aragonés; conta con más de bente años de camín arredol d’a defensa d’a identidat cultural y lingüistica de l’aragonés y l’amostranza d’a luenga. A nuestra Asoziazión s’ha amostrau siempre faborable a la coofizialidat d’as tres luengas d’Aragón y per ixo no ha reblau nunca en a defensa d’a dignidat d’o catalán charrau en Aragón, debán de toz.

Nogará, asinas, da o suyo firme apoyo a las asoziazions y personas que defienden y estudian zientificamén a Unidat d’a luenga catalana y a cultura en catalán en Aragón, como siempre ha feito explizitamén. Aragón ye trilingüe dende fa muito tiempo, pero en os suyos empezipiallos no más estió bilingüe d’aragonés y catalán, y no pas d’atras cosas como han quiesto fer-mos pensar. Per iste motibo respaldamos as iniziatibas que en materia lingüistica y cultural se faigan por parti d’a Iniciativa Cultural de la Franja (ICF) y d’as Asoziazions y personas que las forman.

Per la dignidat d’a luenga luitan ICF y as suyas formazions, por ixo no queremos dixar de n’imbiar-les o nuestro apoyo y reconoiximiento por toda a suya fayena de cara ta o feito lingüistico catalán en Aragón.

Asinasmismo, no querebanos dixar estar o caso, y refusar de tot as actuazions d’a FACAO y d’os suyos miembros que no fan que mal a la luenga y a la dignidat lingüística de qui charra aragonés y catalán en Aragón. Os suyos actos y as suyas falsas nomenclaturas ta la luenga charrada dende l’Isabena y la Noguera dica o Mezquín y Matarraña pasando por a baixa Zinca, marchan a retepelo de la comunidat zientifica que establix muit plateramén qué ye aragonés y qué catalán. Per iste motibo y como ya s’ha aclariu chudizialmén, la unica Academia de l’Aragonés que i hai ye la salida d’o II Congreso por l’Aragonés y que ye la unica entidat de referenzia lingüistica ta l’aragonés, igual que l’IEC en ye ta lo catalán.

Lo cual, apoyamos a os compañers que defienden y han defendiu siempre o catalán en Aragón.

A. C. Nogará-Religada

------------

PS: Pel company amic de les preposicions, fixa't en l'ús correcte, polit i benplantat de la preposició EN en comptes de DE.