Quiest@s amig@s,
O portal de l'Aragonés Charrando.com empenta una nueba iniziatiba d'espardidura d'a luenga aragonesa per o rete, se trata d'a emisora de radio RadioCharrando.com.
RadioCharrando.com ye una emisora que emite 24 oras a o diya con teunolochía "streaming" una serie de grabazions en u sobre l'Aragonés, que en rematar-se tornan a empezipiar a emitir-se dende l'empezallo. Iste bloque de grabazions s'autualizará periodicamén en funzión d'os contenius disponibles, en iste sentiu femos una clamadura a la colaborazión a todas aquellas personas que puedan tener zintas u documentos sonoros de cualsiquier mena, que puedan tener bel interés linguistico u istorico, a que nos los dixen ta dichitalizar-los y poder-los emitir. En ista primera fase tos ofrexemos un bloque de 5 oras de grabazions que esperamos autualizar mensualmén. En tot caso, somos ubiertos a todas as sucherenzias y proposas de colaborazión.
Tos alchuntamos os contenius d'ista primera programazión:
II Congreso de l'Aragonés
O II Congreso de l'Aragonés se ba zelebrar os pasaus 13, 14 y 15 de chulio en Zaragoza y Uesca. Se i ban eslechir os primers miembros de l'Academia de l'Aragonés y se i ban presentar ponenzias y comunicazions. Tos ofrexemos tres documentos:
- Discurso de Manuel Castán (presidén d'o Congreso y d'a Comisión organizadera) en a inaugurazión (14 min)
- Ponenzia de Michael Metzeltin "El Aragonés en el conjunto de las lenguas románicas" (1 ora, 4 min)
- Discurso de clausura de Felipe Pétriz, Rector d'a Universidad de Zaragoza (8 min)
Chuntos por l'Aragonés
- Entrebista a la Chunta directiba de Chuntos por l'Aragonés en o programa "Que viene el lobo" d'Antena Aragón, emitida en febrero de 2005 (14 min)
- Entrebista a la Chunta directiba de Chuntos por l'Aragonés en o programa "Aquí y ahora" d'Antena Aragón, emitida o 27 d'abril de 2005 (20 min)
- Entrebista a Fernando Sánchez, secretario de Chuntos por l'Aragonés, emitida en Aragón Radio o 17 de chulio de 2006 (8 min)
Rufierta Radio Sobrarbe
Rufierta sobre l'Aragonés emitida en Radio Sobrarbe en nobiembre de 2005. I partizipan Chabier Lozano, Jesús Garzés "Baitico", Roberto Serrano y Félis Buil (54 min)
Omenaches Arredol
Omenaches organizaus por o Ligallo de Fablans de l'Aragonés o 17 d'abiento de 2005 en San Chuan de Plan, otorgaus a las mullers del Corro d'es Bailes de San Chuan y a la escritora Nieus Luzía Dueso. Tos amostramos tres documentos:
- Introduzión per Roberto Serrano y chiqueta representazión (6 min)
- Interbenzión de Nieus Luzía Dueso (7 min)
- Interbenzión de Josefina Loste (8 min)
Falca de radio de l'Asosiasión Guayén
Falca de radio de l'Asosiasión Guayén de la Ball de Benás, emitida en Radio Ribagorza con motibo d'o suyo 25 cabo d'año (2 min)
Bideo "O día d'o traje d'Ansó"
Banda sonora d'o bideo "O dia d'o traje d'Ansó". Direuzión y reyalizazión: Modélika. Coordinazión y asesoría lingüistica: Fernando Romanos y Fernando Blas (24 min)
Presentazión estudio sobre el Belsetán
Presentazión d'o libro "Aspectos morfosintácticos del Belsetán" feita en Bielsa o 17 d'abiento de 2005, por os suyos autors Chabier Lozano y Anchel Lois Saludas "Barré" (17 min)
DVD "Bielsa - Chistau - Ansó"
Banda sonora d'o DVD "Bielsa-Chistau-Ansó" con materials de l'Archibo Audiobisual de l'Aragonés. Direuzión y coordinazión: Fernando Romanos y Fernando Blas. Produzión y reyalizazión: Modélika (38 min)
Esprisions y tos asperamos en http://www.radiocharrando.com
Charrando.com
www.charrando.com
--
Manifiesto por la Lengua Aragonesa
www.laragones.com
FIRMA AQUÍ
Índex 
Dl Oct 02, 2006 7:39 pm
